Khutbah Jum'at Bahasa Lappung: Nyambuk Bulan Rabiul Awwal Guway Neladani Rasulullah SAW Jama Eppak Sifat Beliau, Makai Khanglaya Ngehukhik ko Sunnah. Oleh : Ustadz H. Komiruddin Imron, Lc *)

nataragung.id - Pemanggilan - Tabiik puun. Dalam rangka mengimplementasikan Instruksi Gubernur Lampung Bapak Rahmat Mirzani Djausal Nomor : 4 Tahun 2025 tanggal 30 Desember 2025 tentang hari Kamis BERADAT yaitu sebagai upaya memperkuat pelestarian Bahasa Daerah dan Budaya Lampung dilingkungan pemerintah provinsi, pemerintah kabupaten/kota dan lingkungan pendidikan se-provinsi Lampung, bersama ini kami mencoba untuk menyajikan Khutbah Jum'at berbahasa Lampung, khususnya bahasa Lampung berdialeg A.

Meski Masjid bukan bagian yang diatur dalam instruksi tersebut, namun tidak ada salahnya warga masyarakat Lampung khususnya para khatib shalat Jum'at turut serta melestarikan bahasa Lampung dengan kegiatan nyata yaitu membacakan khutbah Jum'at dalam bahasa Lampung. Karena pada wilayah tertentu di provinsi Lampung, sudah banyak saudara-saudara kita warga masyarakat suku Jawa yang membaca khutbah dalam bahasa Jawa, bahkan buku-buku Khutbah berbahasa Jawa sudah banyak dijual di toko-toko.

Kami menyadari naskah (dialeg) yang kami sajikan masih jauh dari kata sempurna, namun prinsip kami "Lamon Mak Gatta Kapan Lagi, Lamon Mak Gham Sapa Lagi." Karena itu kritik dan saran dari para pembaca terkait dialeg yang kami pergunakan, sangat kami harapkan guna penyempurnaan dialeg Khutbah Jum'at dimasa yang akan datang.

KHUTBAH PERTAMA

اَلْحَمْدُ لِلّٰهِ الَّذِي أَرْسَلَ رَسُوْلَهُ بِالْهُدَى وَدِيْنِ الْحَقِّ، وَجَعَلَهُ رَحْمَةً لِلْعَالَمِيْنَ، وَجَعَلَ فِيْ سِيْرَتِهِ وَأَخْلَاقِهِ أُسْوَةً حَسَنَةً لِلْمُؤْمِنِيْنَ.

أَشْهَدُ أَنْ لَا إِلٰهَ إِلَّا اللهُ وَحْدَهُ لَا شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، صَلَّى اللهُ عَلَيْهِ وَعَلَىٰ آلِهِ وَصَحْبِهِ أَجْمَعِيْنَ.

اللَّهُمَّ صَلِّ وَسَلِّمْ وَبَارِكْ عَلَىٰ سَيِّدِنَا مُحَمَّدٍ، وَعَلَىٰ آلِهِ وَصَحْبِهِ أَجْمَعِيْنَ.

أَمَّا بَعْدُ،

فَيَا عِبَادَ اللهِ، أُوْصِيْكُمْ وَنَفْسِيَ بِتَقْوَى اللهِ، فَقَدْ فَازَ الْمُتَّقُوْنَ.

Minak Muakhi, Ma'asyiral Muslimin rahimakumullah.

Payu kham senantiasa meningkat ko ketakwaan haguk Allah Subhanahu wata'ala, cakhani ngelapahko segala pekhittah-Ni dang lupa ninggalko segala larangan Ni.

Jamaah Jumat sai dimuliako Allah,

Mak te-khasa kham kak khaddik di bulan sai ngi-ngok ko kham jama sosok jelema sai paling mulia sai anjak khatong di dunia sa, ialah bulan Rabiul Awwal.

Bulan sai ngi-ngok ko kham jama sosok sai paling mulia, jelema sai anjak di utus Allah guk dunia ialah Nabi Muhammad shalallahu alaihi wasallam.

Bulan Rabiul Awwal layin hanya ngegatti ge-khal di kelender Hijriah

Tapi bulan sa, mesti ni jadi wattu bagi kham, guway ngebukak luwot lembaran hukhik Rasulullah shalallahu alaihi wasallam.

Ngi-ngok ko kelahekhran beliau.

Mengenang perjuangan beliau.

Melajakhi akhlak beliau.

Nayah-nayahko shalawat jama beliau.

Dang lupa, sai paling penting:

Ngehukhik ko keteladanan beliau di kehukhi'an kham sekhani-khani.

Allah Subhanahu wata'ala berfirman:

لَقَدْ كَانَ لَكُمْ فِيْ رَسُوْلِ اللهِ أُسْوَةٌ حَسَنَةٌ لِّمَنْ كَانَ يَرْجُو اللهَ وَالْيَوْمَ الْآخِرَ وَذَكَرَ اللهَ كَثِيْرًا

Laqad kāna lakum fī rasūlillāhi uswatun ḥasanatun liman yarjullāha wal-yaumal-ākhira wa dzakarallāha katsīrā.

“Sesungguhni  khadu ngedok di dikhi Rasulullah ina teladan sai betik guway kuti, guway sai ngehakhap ko Allah khik khani akhir jama sai nayah ngingok Allah." (QS. Al-Ahzab: 21)

Jamaah sai dirahmati Allah,

Ayat sa ngejuk makna sai paling khallom

Allah mak ngucapko:

“Rasulullah shalallahu alaihi wasallam hanya guway dikagumi.”

Tapi Allah ngucapko:

أُسْوَةٌ حَسَنَةٌ

Uswatun hasanah.

Khat-ti i, Rasulullah adalah teladan sai betik.

Mulani Rabiul Awwal seharus ni mak hanya ngeguway kham ngelulih:

"Kapan Rasullullah shalallahu alaihi wasallam lahekh?”

Tapi lebih jawoh lagi, kham harus ngelulih jama dikhi kham:

Api sai khadu bekhubah delom hukhik ku, se-khadu mengenal Rasulullah shalallahu alaihi wasallam?”

Mak cukup kham hafal ge-khal beliau.

Mak cukup kham pan-ndai sejarah beliau.

Mak cukup kham nayah-nayahko bershalawat di bulan Rabiul Awwal.

Payu kham ngelulih:

Khadu kudo kejujuran Rasulullah hukhik di dikhi kham.

Khadu kudo sifat amanah beliau hukhik di kekhaj-jaan kham.

Khadu kudo semangat tabligh beliau hukhik dilom keluarga kham.

Khadu kudo Kecerdasan jama kebijaksanaan beliau diguway ko cakha kham ngehadopi masalah?

Inalah eppak sifat Rasulullah sai penting nihan kham renungko:

Shiddiq, Amanah, Tabligh, jama Fathanah.

SAI PERTAMA: SHIDDIQ — JUJUR

Jamaah Jumat rahimakumullah,

Rasulullah shalallahu alaihi wasallam adalah jelema sai paling jujur.

Semakkung beliau di akkat jadi Rasul, kaban jelema di Makkah khadu mengenal beliau sebagai Al-Amin jelema sai dapok di pekhat-caya.

Kejujuran beliau layin hanya wattu cawa-cawa gawoh.

Beliau munih jujur wattu bedagang.

Jujur delom bermuamalat.

Jujur delom menyappaiko wahyu.

Jujur jama kaban sahabat atau kaban kat-ca

Bahkan jama ulun sai memusuhi beliaupun, beliau tetop jujur.

Rasulullah shalallahu alaihi wasallam bersabda:

عَلَيْكُمْ بِالصِّدْقِ، فَإِنَّ الصِّدْقَ يَهْدِي إِلَى الْبِرِّ، وَإِنَّ الْبِرَّ يَهْدِي إِلَى الْجَنَّةِ

‘Alaikum bish-shidqi, fa innash-shidqa yahdī ilal-birri, wa innal-birra yahdī ilal-jannah.

Khat-ti ni: "Hendaklah kuti khuppok berlaku jujur, ulah kejujuran ngusung guway kebetik'an, sedongko kebetik'an ngusung guk surga." (HR. Bukhari khik Muslim).

Jamaah sai dimuliako Allah,

Payu, Rabiul Awwal iji kham jadiko bulan guway ngebetik ko kejujuran.

Jujur delom dagang.

Jujur delom kekhaj-ja.

Jujur delom ngegunako atau makai duwit.

Jujur delom rumah tangga.

Jujur jama anak.

Jujur wattu kham ngelakuko salah.

Kadang-kadang kham gappang bebalah:

"Ikam ge-khing atawa cinta Rasulullah."

Tapi pagun sulit nutuki sai sifat beliau sai paling mendasar: JUJUR.

Makdok guna ni nayah bershalawat, lamun bub-bekh kham pagun ge-khing bebuhung atawa dusta.

Makdok guna ni kham memuji Rasullullah lamun kehukhi'an kham jawoh anjak akhlak beliau.

SAI KE-KHUA: AMANAH — NGEJAGA KEPERKH-CAYAAN

Jamaah Jumat rahimakumullah,

Rasulullah shalallahu alaihi wasallam dikenal sebagai Al-Amin.

Amanah khat-ti ni, kham ngejaga kepekh-cayaan jama ngelaksanako tanggung jawab sebetik-sebetik ni.

Allah Subhanahu wata'ala berfirman:

إِنَّ اللهَ يَأْمُرُكُمْ أَنْ تُؤَدُّوا الْأَمَانَاتِ إِلَىٰ أَهْلِهَا

Innallāha ya'murukum an tu'addul-amānāti ilā ahlihā.

Khat-ti ni: "Sesungguh ni Allah ngayinko niku menyappaiko amanat haguk sai berhak nekhima ni." (QS. An-Nisa': 58).

Jamaah sai dirahmati Allah,

Lamun Rabiul Awwal ngi-ngok ko kham jama Rasulullah sai bergelar Al-Amin. Mulani kham lulih ko jama dikhi kham:

Api kah keluarga kham nge-khasa aman wattu jama kham?

Api kah ulun bakhih tenang wattu ngejuk kepekh-cayaan jama kham?

Api kah pekekhaj-jaan sai Allah juk ko jama kham sai jadi tanggung jawab kak khadu benokh-benokh kham laksanako?

Api kah jabatan sai di pekhat-cayako jama kham dipakai guway ngelayani atau malah guway kepentingan dikhi kham pesayyan?

Rasulullah shalallahu alaihi wasallam bersabda:

كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ

Kullukum rā‘in wa kullukum mas'ūlun ‘an ra‘iyyatihi.

Khat-ti ni: "Setiap kuti adalah pemimpin khik kuti haga di lulih tentang sai kuti pimpin." (HR. Bukhari khik Muslim).

Jamaah rahimakumullah,

Amanah iji bekhak nihan penjelasan ni:

Anak adalah amanah.

Kebayan adalah amanah.

Mengiyan adalah amanah.

Khatta adalah amanah.

Ilmu adalah amanah.

Jabatan adalah amanah.

Wattu adalah amanah.

Bahkan umokh kham adalah amanah.

Mulani Rabiul Awwal dang hanya kham mengenang kelahekhan Rasulullah gawoh, tapi picawi dapok munih ngebangkit ko luwot sifat Al-Amin delom dikhi kham.

SAI KE-TELLU: TABLIGH — NYAPPAIKO KEBETIK'AN

Ma'asyiral Muslimin rahimakumullah,

Sifat sai ketellu  adalah tabligh, khat-ti ni menyappaiko.

Rasulullah shalallahu alaihi wasallam massa amanah anjak Allah guway nyappai ko risalah Islam guway unyin kaban jelema di dunia sa.

Allah Subhanahu wata'ala berfirman:

يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ

Yā ayyuhar-rasūlu balligh mā unzila ilaika mir rabbik.

Khat-ti ni: "Wahai Rasul! Sappai ko api sai di khag-gohko jama niku anjak Tuhan mu." (QS. Al-Ma'idah: 67).

Jamaah sai dirahmati Allah,

Rasulullah shalallahu alaihi wasallam khadu nyappai ko Islam jama penuh kesabakhan.

Beliau berdakwah makai hikmah.

Beliau menasihati makai kasih sayang.

Beliau mak lekot palai atawa lelah walaupun nayah massa penolakan.

Mulani wattu Rabiul Awwal khatong, payu kham hukhik ko semangat tabligh.

Mak mesti harus jadi ustadz.

Mak mesti harus temegi di mimbar.

Setiap kham ngedok pok guway nyappai ko kebetik'an.

Apak ngejuk nasihat jama anak.

Emmak ngajakhko du'a jama anak.

Gu-khu nyappai ko ilmu.

Kat-ca ngi-ngok ko kat-ca ni

Ulun sai berilmu ngebagiko ilmu ni.

Bahkan sai kalimat sai betik, kadang dapok jadi sebab ulun bekhubah jadi lebih betik.

Tetapi wat hal sai mesti kham ingok.

Tabligh layin berarti nyappai ko segala hal.

Khani sa, Kham hukhik di zaman media sosial.

Sai bekhita dapok tesebakh delom hitungan detik.

Sai tulisan dapok di baca khibuan jelema.

Sai video dapok di tuttun jutaan jelema.

Mulani semakkung kham nyebakh ko sesuatu, lulih pay:

Api kah sa benokh?

Api kah sa bermanfaat?

Api kah sa dapok ngeguway ulun semakin khaddik jama Allah?

Dang sappai kham ngaku ge-khing atawa cinta Rasulullah, tapi jari-jari pungu kham dipakai guway nyebakh ko fitnah.

Dang sappai lisan atawa bub-bekh kham khajin bershalawat, tapi khajin munih nyela Khik nyakik ko hati ulun bakhih.

Payu Rabiul Awwal sa Kham jadi ko momentum:

Anjak lisan atau bub-bekh sai nayah ngejuk nasihat.

Anjak pungu sai ge-khing nyebakh ko keburukan, jadi pungu sai ge-khing nyebakh ko kebetik'an.

SAI KE-EPPAK: FATHANAH — CERDAS JAMA BIJAK

Jamaah Jumat rahimakumullah,

Sifat sai ke-eppak adalah fathanah, khat-ti ni cerdas jama bijaksana.

Rasulullah shalallahu alaihi wasallam adalah jelema sai paling cerdas delom memahami keadaan, memahami persoalan, khik memilih cakha sai paling betik delom menyelesaikan masalah.

Allah Subhanahu wata'ala berfirman:

ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ

Ud‘u ilā sabīli rabbika bil-ḥikmati wal-mau‘izhātil-ḥasanah.

Khat-ti ni: "Serulah jelema guk khanglaya Tuhanmu makai hikmah jama nasihat sai betik.” (QS. An-Nahl: 125).

Jamaah sai dimuliako Allah,

Cerdas layin hanya ulah pendidikan khang-ngal.

Layin ulah nayah ni gelar sarjana.

Layin ulah pit-tokh bedebat.

Tapi kepith-thokhan sai sebenokh ni adalah sang-ngup makai ilmu guway nge-khatongko kebetik'an

Rasulullah ngajakh ko kham:

Wattu ngehadopi masalah, dang tergesa-gesa.

Wattu nengis bekhita, dang langsung pekhat-caya.

Lamun bida pendapat, dang langsung pisu.

Lamun ngejuk nasihat dang ngerendah ko.

Lamun makhah, dang lebon kendali.

Iji lah fathanah.

Pan-ndai kapan wattu ni cawa.

Pan-ndai kapan wattu ni mennong.

Pan-ndai kapan wattu ni tegas.

Pan-ndai kapan wattu ni lembut.

Pan-ndai kapan wattu negokh

Pan-ndai kapan wattu ni memah-haf ko.

Jamaah rahimakumullah,

Sifat sa, penting nihan di zaman kham gatta.

Nayah keluarga sai retak layin ulah makdok cinta, tapi ulah makdok kebijaksanaan.

Nayah hubungan sekelik putus layin ulah masalah sai balak, tapi ulah balahan sai mak di jaga.

Nayah ke-khituk'kan sai terjadi layin ulah makdok kebenokhan, tapi ulah kebenokhan di sappai ko jama cakha sai mak benokh.

Mulani payu kham belajakh anjak Rasulullah shalallahu alaihi wasallam.

Benokh ina penting, tetapi menyappaiko kebenokhan jama cakha sai benokh munih penting.

Ma'asyiral Muslimin rahimakumullah,

Rabiul Awwal adalah bulan sai ngi-ngok ko kham jama Rasulullah shalallahu alaihi wasallam.

Payu kham jadi ko bulan sa, guway momentum hijrah akhlak.

Lamun selama iji kham gappang bebuhung, payu kham belajakh Shiddiq.

Lamun selama iji kham lalai jama tanggung-jawab, payu kham belajakh amanah.

Lamun selama iji kham lebih nayah ngeluh daripada ngajak jama kebetik'an, payu kham belajakh tabligh.

Lamun selama iji kham gappang makhah jama gappang terprovokasi, payu kham belajakh fathanah.

Ulah mencintai Rasulullah layin hanya makai cawa-cawa gawoh.

Allah Subhanahu wata'ala berfirman:

قُلْ إِنْ كُنْتُمْ تُحِبُّونَ اللهَ فَاتَّبِعُونِي يُحْبِبْكُمُ اللهُ

Qul in kuntum tuḥibbūnallāha fattabi‘ūnī yuḥbibkumullāh.

Khat-ti ni: "Cawakon lah, lamun niku mencintai Allah, tutuki Nyak, niscaya Allah haga mencintai niku." (QS. Ali Imran: 31).

Mulani cinta harus ngelahekhko ittiba' atawa mengikuti Rasulullah.

Kham bershalawat jama Rasulullah, tapi kham munih harus nutuki sunnah beliau.

Kham memuji akhlak beliau, tapi kham munih harus ngedok akhlak beliau.

Kham mengenang perjuangan beliau, tapi kham munih harus berjuang ngebetik ko dikhi kham.

Jamaah Jumat sai dimuliako Allah,

Payu kham ngelulih jama dikhi kham masing-masing:

Khadu kudo nyak jujur gegoh Rasulullah?

Khadu kudo nyak amanah gegoh Al-Amin?

Khadu kudo nyak tukang usung kebetik'an?

Khadu kudo nyak belajakh bijaksana delom menghadapi hukhik sa?

Mudah-mudahan Rabiul Awwal tahun sa jadi awal penkhubahan.

Layin hanya bulan sai kham liyuwi gawoh,

Tapi bulan sai nge-khubah kham.

Layin hanya nambah khasa cinta,

tapi menambah ketaatan.

Layin hanya nayah ko shalawat,

Tapi nayah-nayahko ittiba' jama Rasulullah shalallahu alaihi wasallam.

Mudah-mudahan Allah ngejadiko kham umat sai benokh-benokh mencintai Rasulullah, nutuki sunnah beliau, jujur delom hukhik, amanah delom tanggung-jawab, ge-khing nyebakh ko kebetik'an jama bijaksana delom ngehadopi perbedaan. Aamiin ya Rabbal Aalamiin.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ الْآيَاتِ وَالذِّكْرِ الْحَكِيْمِ، وَأَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ إِنَّهُ هُوَ الْغَفُوْرُ الرَّحِيْمُ.

KHUTBAH KEDUA

اَلْحَمْدُ لِلَّهِ حَمْدًا كَثِيرًا طَيِّبًا مُبَارَكًا فِيهِ، كَمَا يُحِبُّ رَبُّنَا وَيَرْضَى. أَشْهَدُ أَنْ لَا إِلٰهَ إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ. اَللَّهُمَّ صَلِّ وَسَلِّمْ وَبَارِكْ عَلَى نَبِيِّنَا مُحَمَّدٍ وَعَلٰى آلِهِ وَصَحْبِهِ أَجْمَعِينَ.

Alhamdu lillāhi ḥamdan katsīran ṭayyiban mubārakan fīh, kamā yuḥibbu rabbunā wa yardhā. Asyhadu an lā ilāha illallāh waḥdahu lā syarīka lah, wa asyhadu anna Muḥammadan ‘abduhu wa rasūluh. Allāhumma ṣalli wa sallim wa bārik ‘alā nabiyyinā Muḥammad wa ‘alā ālihi wa ṣaḥbihi ajma‘īn.

أُوصِيكُمْ عِبَادَ اللَّهِ وَنَفْسِي بِتَقْوَى اللَّهِ، فَإِنَّهَا زَادُ الْمُتَّقِينَ، وَنُورُ السَّالِكِينَ، وَوَصِيَّةُ رَسُولِ رَبِّ الْعَالَمِينَ. فَاتَّقُوا اللَّهَ حَقَّ تُقَاتِهِ، وَلَا تَمُوتُنَّ إِلَّا وَأَنْتُمْ مُسْلِمُونَ.

Uuṣīkum ‘ibādallāh wa nafsī bitaqwāllāh, fa innahā zādal-muttaqīn, wa nūrus-sālikīn, wa waṣiyyatu rasūli rabbil-‘ālamīn. Fattaqullāha ḥaqqa tuqātih, wa lā tamūtunna illā wa antum muslimūn.

اَللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ، وَالْمُسْلِمِينَ وَالْمُسْلِمَاتِ، الْأَحْيَاءِ مِنْهُمْ وَالْأَمْوَاتِ. اَللَّهُمَّ طَهِّرْ قُلُوبَنَا، وَأَصْلِحْ أَحْوَالَنَا، وَبَارِكْ لَنَا فِي أَعْمَارِنَا وَأَرْزَاقِنَا، وَارْفَعِ الْبَلَاءَ عَنَّا وَعَنْ بِلَادِنَا.

Allāhumma ighfir lil-mu’minīna wal-mu’mināt, wal-muslimīna wal-muslimāt, al-aḥyā’i minhum wal-amwāt. Allāhumma ṭahhir qulūbanā, wa aṣliḥ aḥwālanā, wa bārik lanā fī a‘mārinā wa arzāqinā, wa rfa‘il-balā’a ‘annā wa ‘an bilādinā.

اَللَّهُمَّ اجْعَلْنَا مِنْ عِبَادِكَ الصَّالِحِينَ، وَارْزُقْنَا صِدْقَ التَّوَكُّلِ عَلَيْكَ، وَحُسْنَ الظَّنِّ بِكَ، وَلُزُومَ طَاعَتِكَ فِي السِّرِّ وَالْعَلَنِ. يَا مُقَلِّبَ الْقُلُوبِ ثَبِّتْ قُلُوبَنَا عَلَى دِينِكَ، وَيَا مُصَرِّفَ الْقُلُوبِ صَرِّفْ قُلُوبَنَا إِلَى طَاعَتِكَ.

Allāhumma ij‘alnā min ‘ibādikas-ṣāliḥīn, warzuqnā ṣidqat-tawakkuli ‘alaik, wa ḥusnaẓ-ẓanni bik, wa luzūma ṭā‘atika fis-sirri wal-‘alan. Yā muqallibal-qulūb tsabbit qulūbanā ‘alā dīnik, wa yā muṣarrifal-qulūb ṣarrif qulūbanā ilā ṭā‘atik.

اَللَّهُمَّ أَصْلِحْ وُلَاةَ أُمُورِنَا، وَوَفِّقْهُمْ لِمَا فِيهِ صَلَاحُ الدِّينِ وَالدُّنْيَا، وَاجْعَلْهُمْ رُحَمَاءَ بِالرَّعِيَّةِ، قُوَّامًا بِالْحَقِّ وَالْعَدْلِ.

Allāhumma aṣliḥ wulāta umūrinā, wa waffiqhum limā fīhi ṣalāḥud-dīn wad-dunyā, waj‘alhum ruḥamā’a bir-ra‘iyyah, quwwāman bil-ḥaqqi wal-‘adl.

اَللَّهُمَّ آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّارِ.

Allāhumma ātinā fid-dunyā ḥasanah, wa fil-ākhirah ḥasanah, wa qinā ‘adzāban-nār.

عِبَادَ اللَّهِ، إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى، وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ. يَعِظُكُمْ لَعَلَّكُمْ تَذَكَّرُونَ. فَاذْكُرُوا اللَّهَ يَذْكُرْكُمْ، وَاشْكُرُوهُ عَلَى نِعَمِهِ يَزِدْكُمْ، وَلَذِكْرُ اللَّهِ أَكْبَرُ، وَاللَّهُ يَعْلَمُ مَا تَصْنَعُونَ.

‘Ibādallāh, innallāha ya’muru bil-‘adli wal-iḥsān wa ītā’i dhil-qurbā, wa yanhā ‘anil-faḥsyā’i wal-munkari wal-baghy. Ya‘iẓukum la‘allakum tadhakkarūn. Fa dzkurullāha yadzkurkum, wasykurūhu ‘alā ni‘amihi yazidkum, wa ladzikrullāhi akbar, wallāhu ya‘lamu mā taṣna‘ūn.
Editor Bahasa: H. SyahidanMh, SAg / Buay Sakti.

*) Penulis adalah Anggota Majelis Pertimbangan Dewan Dakwah Islam Indonesia Propinsi Lampung, tinggal di Pemanggilan, Natar.